8 حاجات الراجل الناضج لا يمكن يعملهم
8 حاجات الراجل الناضج لا يمكن يعملهم


في مقالة بالعنوان ده على موقع brightside.me بيتم شرح 8 حاجات تفرق بين الراجل الناضج في حبه وفكره، والراجل اللي بيعاني من قصور عاطفي وعقد نقص، والحاجات ديه هي:


1. لا يمكن حيعيّب فيكي

في فرق كبير اوي لما شخص يقول نقد قايم على الاهتمام، وبين شخص هدفه التجريح للتقليل من الطرف التاني .. فمثلا لو في حاجة معينة في شكلك زي مثلا (لون شعرك) شكله مش مناسب .. حتلاقي الراجل الناضج اللي بيحبك بيملح للموضوع في صغية تساؤل أو نقاش هادي حوالين النقطة ديه .. على عكس شخص حيستخدم صيغة الأمر أو التريقة و الاستهزاء.

2. لا يمكن ينتهك حدودك الشخصية

إنتي كيان قائم بذاته. ليكي حياتك، اصحابك، اسرارك وخبايا العالم بتاعك .. لا يمكن حد ناضج يسمح لنفسه بانتهاك الحدود ديه لاي مبرر كان .. مفيش بقى وريني ده بيقولك إيه أو اثبت لي انك مش كذا .. إنما الانسان اللي بيشك دايما او مش بيقدر يوصل للثقة التامة مع اللي بيحبه، يبقي شخص طفولي لسه معرفش يعني ايه إنسان حر له إطار فردي مميز … إنما المفروض ينمي الإطار ده و يشجع حبيبته انها تبقي كائن حر مستقل .. فالحر بجد لا يمكن يطالب بعبدة!

3. لا يمكن يهرب من المسؤولية

الموضوع مش كلام أو شعارات عن الرجولة أو التضحية، إنما فعلا وقت الشدة بتبان معادن الناس .. والمطلوب مش غشامة أو فتحة صدر، إنما الراجل الناضج هو اللي بيعرف يواجه المشكلة ويحلها بذكاء و رجولة .. على عكس الشخص الغير ناضج اللي دايما تلاقيه بيخلق أي مبررات أو أعذار عشان يداري فشله وتفاهته .. ومش بعيد شماعة من الشماعات ديه تكون حبيبته نفسها اللي ممكن يرمي عليها اللوم و الذنب!

4. لا يمكن يعتبر المشاعر مظهر للضعف

مش حتلاقيه بيحط من أحاسيسك البريئة او يهينك لو تعبانه أو بتمري بحالات نفسية مؤلمة .. بالعكس، الناضج فاهم مدى روعة الإنسان اللي بيحس .. فدية علامة مهمة على وجود انفعلات حية جوا الإنسانية ديه.

5. لا يمكن يبص تحت رجله

الراجل الناضج مش بتاع اللحظة الحالية بس، إنما دايما عينه على بكرا وبعده .. فحتى في أعظم لحظات اندماجكوا العاطفي الرومانسي أو حتى لحظات خلفاتكوا الكبيرة، لا يمكن يسمح أن الإنفعال المؤقت يدفعه لقرار مستديم .. إنما دايما مركز في بكرا حتعملوا إيه، أو شكل علاقتكوا حيتطور إزاي. ومن هنا تحسي معاه بالأمان، على عكس الغير ناضج اللي عايشها زي ما تجيبه و توديه .. مفيش تفكير او تخطيط .. كائن بلا طموح او حلم ، في كل خطوة معاه تحسي بقلق و توتر فهي مبنيه علي رمل و قايلة للسقوط قدام اي عاصفة اجتماعية بسيط او حتي تحولات زمنية ساذجة ..

6. لا يمكن حيحسسك انك رقم 2

الراجل الناضج اكيد بينشغل وعنده حياة تانية وشغل ومستقبل .. لكن وسط ده لازم يكون ناقلك مدى أهميتك في حياته حتى ولو مفيش بينكوا كلام كتير أو مقابلات بشكل مستمر نظرا لظروف حياته .. فالتقدير مش بكمية الوقت أو طول المدة، إنما بالرسالة الصادقة اللي قدر يوصلها لك الشخص اللي بيحبك بجد .. على عكس الراجل التافه اللي معندوش أي رسالة حقيقة ومعتمد بس على فقاعات سطحية من مظاهر الاهتمام المزيف .. واللي بتفرقع قدام تحدي حقيقي لمستوى العلاقة اللي بينكوا!

7. لا يمكن يقل من أمه!!

الراجل اللي في وقت ما قدر يبيع امه، اوعي تتخيلي انه حيفضل طول العمر مشتريكي .. الراجل اللي بجد بيعرف يقدر أهله وأسرته، بيعرف يقابل مشاعر المحبة بتكريم واحترام .. على عكس الغير ناضج اللي قايم على تبديل الأدوار في حياته حسب حاجته وحالته المزاجية المتغيرة باستمرار!!

8. لا يمكن يمد ايده عليكي أو يشتمك

ديه مفهاش نقاش كتير، فاللي معندهاش مانع انها تبقي في علاقة بالشكل ده مش مستنيه يتقال عليها انها مع راجل غير ناضج .. إنما هي نفسها شخصية غير ناضجة! فغضب الشخص لا يمكن أبدا يسمح له يخرج برا نطاق مبادئه أو إنسانيته .. فالضعيف بس اللي مش بيقدر يسيطر على غضبه أو يتحكم في نفسيته.

صورة الحساب الشخصي لـ كيرلس بهجت

كيرلس بهجت

جرّاح وكاتب من مصر .. صاحب كتاب (بيضة مان) ويمكنك متابعة كتاباته المختلفة في صفحته على الفيسبوك

الصبر عندنا | استراتيجية انهزامية أم استمرار في المحاولة !؟ إعرف أكثر الصبر عندنا | استراتيجية انهزامية أم استمرار في المحاولة !؟

لقد تعودنا في حياتنا على استخدام الصبر حتى أننا لم نعد نفكر بمعناه حقا، فـ"اصبر" تكون هي الحل لمشاكلك التي تواجها في عملك ... في وضع ما في حياتك ... أو حتى في أمور تحتاج منك تفكير وتعامل حقيقي معها لإيجاد حل لها، إلا أن الجواب

حالات الإنفصال .. تعرّف على ما يحدث فيها نفسياً وعصبياً إعرف أكثر حالات الإنفصال .. تعرّف على ما يحدث فيها نفسياً وعصبياً

الدماغ ما يقتصر فقط على أوامر خاصة بس بالعمليات الحيوية اللي نعرفها .. وإنما هناك تفاعل أكبر بين الجسم والأشياء اللي تصير حوليه، وعليه الجسم وهرموناته وأنظمة الدماغ المعقدة يبذل كل هذا المجهود لتعامل الإنسان مع مخرجات

شارك في الحوار