الرئيسية المنتديات ي العادات ما عندي وقت sorry !!!

  • ما عندي وقت sorry !!!
  • ردّ

    هـ الجملة كثير بنسمعها و بالأحرى كثير بنستخدمها طيب ليش ؟!

    هل فعلاً ما عندنا وقت أو هالجواب صار روتيني ؟!
    طيب شو حضرتك بتقضي وقتك ؟!

    اممممم ممكن نسمّي هالشغلة ” فن ضياع الوقت”

    للأسف الشديد أغلبيتنا بعاني من هالفن المسيطر خصوصاً الأيّام اللي بتتراكم فيها المتطلبات منا .. ممكن تكاسلنا أو عدم حبنا لتلبية المطلوب هوي السبب في ضياع هالوقت مع إنه إذا أخلصت بشغلك و كنت تعطي الأفضل عندك، راح تحب هالشي و تسير تعملو بوقته بكل إخلاص و تفاني، و أكيد مريت بهالتجربة و حسيت إنه بعد ما أنجزتها كانت أسهل بكثير من ما كنت تتوقع و إنك بتأجيلها كل شوي ضيعت وقت ع الفاضي ..
    ف دائماً خلي هالجملة ببالك ” افعل ما يجب و استمتع بما تفعل”

    و ممكن يكون السبب ” السوشيال ميديا ”
    نعم أنا من الأشخاص المدمنين سوشيال ميديا يعني بحكي بدي أشيك عالفيسبوك بلاقي حالي تلقائيا بعدها رحت عالتويتر والانستغرام و السناب شات و الواتساب …الخ و المشكلة بس أخلص بعيد مرة ثانية ممكن فاتني شي أو نزل شي جديد .. طيب و بعدين ؟؟!!
    صح أكيد بستفيد و بتعلم أشياء جديدة بس مو دايماً و مو بقدر ما بضيع وقت عليهم ..

    يعني شو الحل كيف الواحد يقدر يسيطر على وقتو و كيف ينظمو و كيف يستفيد منو و يكون عضو فهال بـ هالمجتمع ؟

    شاركونا تجاربكم و احكولنا رأيكم

    كل الحب و التقدير ….

    ردّ

    أول شي شكرا على الطرح..الموضوع مهم و يمكن كثير ناس عندهم العائق هاد
    أنا اولهم 😅 لكن بالنسبة لي اعتقد بلاقي انو ما عندي وقت احيانا بسبب الكسل..مثلا انا شخصيا ما بتلهى بالسوشيال ميديا بس بكون عندي خطط رهيبة خلال اليوم واجد نفسي ما بخلص نصها..بسبب انو بعد ما اخلص الاشياء الملزم فيها كالشغل او شراء الأغراض مثلا بتكاسل عن عمل الاشياء اللي غير ملزم فيها
    فصارت حياتي فيها نوع من السكون..بمعنى إني فقط بعمل الاشياء الملزم فيها..اما الاشياء الغير ملزم فيها بس هي اللي بترقى بحياتي وبتطور من نفسي ما بعملها..وأعتقد السبب هو عدم وضوح الهدف
    يعني لو هدفي واضح وانا مخلص حقيقة لتحقيقه فاكيد سأستغل وقتي بكفاءة

    فمنرجع لنقطة الاخلاص اللي ذكرتيها وأرى أنها من أهم العوامل بأننا نستخدم وقتنا بكفاءة وتطور من أنفسنا

    بس بالنسبة للي بيعرف الصح ولكنه ما بقوم بخطوات التغيير…هل برايك هاد الشخص محتاج يعزم بصدق ويجبر نفسه ولا ممكن بيحتاج مساعدة مثلا او ممكن في مشكله نفسية لازم حلها؟

    ردّ

    مرحبا إيمان 🙂
    .
    بصراحة حددتي الموضوع صح في ((مع إنه إذا أخلصت بشغلك و كنت تعطي الأفضل عندك، راح تحب هالشي و تسير تعملو بوقته بكل إخلاص و تفاني))! بجد مرات لما الواحد بعطي كل شغله بسويها كل تركيزو وبخلصها بسرعة وفعالية، في هناك شعور كثير حلو!!
    .
    أظن الموضوع بعتمد على الشخص نفسو .. كيف هو/هي حابة تعيش حياتها … إذا دائماً ولكل إشي الجواب (ما عندي وقت sorry!) يبقى الموضوع راح يستمر هيك وتصير يمكن عادة أو ردة فعل تلقائية لأي شي جديد! وبتخيل شو ممكن يضيع عالواحد!!

    ردّ

    Sorry !! ..

    ما عندي وقت أشارك في هذا النقاش 🙂

شارك بتعليقك على : ما عندي وقت sorry !!!
معلوماتك:





<a href="" title="" rel="" target=""> <blockquote cite=""> <code> <pre> <em> <strong> <del datetime=""> <ul> <ol start=""> <li> <img src="" border="" alt="" height="" width="">